अविरल वर्षाका कारण अछामका तीन स्थानीय तहका पाँच स्थानमा पहिरोका कारण घर भत्किँदा १७ जनाको मृत्यु पुष्टि भइसकेको छ भने । छ जना अझै पहिरोमा परेर वेपत्ता भएका छन् । शुक्रबार राती भएको घटनामा शनिबार दिनभर जिल्लामा उद्धार, शव व्यवस्थापन, पोष्टमार्टम, घाइतेको उपचारका व्यस्त रहेको पाइएको छ । स्थानीय, नेपाल प्रहरी, नेपाली सेना, सशस्त्र प्रहरीले शव निकाल्ने घाइतेको उद्धार गर्ने कार्यमा जुटिरहे । हेलिकप्टरबाट घाइतेको उपचार गर्न लैजाने, राहत सामगी ढुवानी गर्न हेलिकप्टरको प्रयोग गरियो । शनिबार जिल्ला प्रशासन कार्यालयमा निमित्त प्रमुख जिल्ला अधिकारी दीपेश रिजाल, अछामका प्रहरी प्रमुख डीएसपी नारायण डाँगी र प्रशासन कार्यालयका प्रशासकीय अधिकृत मिनराज आचार्य, सशस्त्र प्रहरी प्रमुख र नेपाली सेनाका प्रमुख निकै व्यस्त देखिन्थे ।
अछामका तुर्माखाँद ५ नाडा, कमलबजार नगरपालिका ६ ठाँटीखाँद, वडा नम्बर ८ ढाँकुको डुँगाला, ढकारी गाउँपालिका ६ को ढुंगाचाल्नामा भएका घटनाका केही तस्बिरहरु संकलन गरेका छौ । केही तस्बिरहरु प्रकाशन गर्न नमिल्ने भएकोले हामीले प्रकाशन गरेका छैनौ । घटनाका केही प्रतिनिधिमुलक तस्बिरहरु यस्ता प्रकार रहेका छन् । तस्बिरहरूः सामािजक सञ्जाल
