अछाम । बान्नीगढी जयगढ गाउँपालिका-दर्नामा वडास्तरीय खुला पुरुष भलिबल प्रतियोगिता सञ्चालन गरिएको छ । वडामा रहेको पञ्चदेवल अनुरा युवा क्लव दर्नाको आयोजनामा कार्तिक ५ गतेबाट “प्रथम पञ्चदेवल अनुरा भलिबल कप २०७९” प्रतियोगिता प्रारम्भ गरिएको हो ।
प्रतियोगिता कार्तिक ८ गतेसम्म दर्नाको माझेठानामा सञ्चालन भएको प्रतियोगिताका २५ टिमको प्रतियोगितामा सहभागिता रहेको खेलकुद समितीका संयोजक वसन्त साउँदले जानकारी दिनुभयो । प्रतियोगितामा प्रथम पुरस्कार ६१ हजार, मेडल, कप र प्रमाण-पत्र, दोश्रो पुरस्कार ३५ हजार, मेडल, कप र प्रमाण-पत्र र तृतीय हुने टिमलाई २१ हजार, मेडल, कप र प्रमाण-पत्र प्रदान गरिने छ ।
यस्तै प्रतियोगितामा उत्कृष्ठ विधाहरूमा वेष्ट स्पाईकर, वेष्ट डिभिन्सर, वेष्ट लिप्रो, वेष्ट सटर, सर्वउत्कृष्ठ खेलाडी, वेष्ट ब्लकर र अनुशासन खेलाडीलाई छनोट गरि सम्मानका साथै पुरस्कार समेत दिईने क्लबका सचिव देवेन्द्र थापाले जानकारी दिनुभयो ।
प्रतियोगिताको बान्नीगढी जयगढ गाउँपालिका अध्यक्ष टेकबहादुर साउँदले उद्घाटन गर्नुभएको छ । उद्घाटन कार्यक्रममा जनप्रतिनिधि, खेलाडी, स्थानीय अगुवाको उपस्थिति रहेको थियो ।
