अछाम, अगुवा कार्यकर्ता प्रशिक्षणका लागि नेकपा (एमाले) का केन्द्रीय उपाध्यक्ष विष्णु पौडेल अछाम आउनु हुने भएको छ । मिसन ग्रासरुटअन्र्तगत अगुवा कार्यकर्तालाई प्रशिक्षित गर्नका लागि पौडेल अछाम आउने एमाले अछामका अध्यक्ष चन्द्रबहादुर बोहराले जानकारी दिनुभयो ।
एमाले जिल्ला कमिटी अछामद्धारा आयोजित प्रशिक्षण कार्यक्रममा एमाले अगुवा कार्यकर्ताहरुलाई पौडेलले चैत १३ गते प्रशिक्षण गर्ने कार्यक्रम रहेको छ । पार्टीका केन्द्रीय प्रतिनिधि, प्रदेश कमिटी सदस्य, केन्द्रीय विभागका सदस्य, जिल्ला कमिटी सदस्य, प्रदेश तथा जिल्ला परिषद्का सदस्य, पालिका कमिटीका पदाधिकारी, वडा कमिटीका पदाधिकारी, निर्वाचित जनप्रतिनिधिहरू र पेसागत तथा जन संगठनका केन्द्रीय सदस्य र जिल्ला अध्यक्षहरू रहनेछन् ।
मिससन ग्रासरुट अभियानका क्रममा एमाले केन्द्रले पौडेललाई सुदूरपश्चिमको जिम्मेवारी दिएको छ । सोही जिम्मेवारी अनुसार पौडेल अछाम १२ गते बेलुकी आइपुग्ने एमाले अछामले जानकारी दिएको छ । केही दिनअघि पौडलले जुम बैठक मार्फत सुदूरपश्चिममा मिसन ग्रासरुट अभियानको बारेमा जानकारी लिनुभएको थियो ।
