अछाम । नेपाली कांग्रेसको १५ औँ महाधिवेशन अन्तर्गत अछामको मेल्लेख गाउँपालिकाका आठवटै वडामा वडा सभापति चयन भएका छन् । वडा अधिवेशनबाट नयाँ नेतृत्व चयन भएसँगै डाँडासिरी–ऋषिदहदेखि हात्तीकोटसम्मका आठवटै वडामा सभापति चयन भएका युवा नेता नृप साउँदले जानकारी दिनुभएको छ ।
निर्वाचित वडा सभापतिहरूमा वडा नं. १ डाँडासिरी–ऋषिदहमा सीता धामी, वडा नं. २ ऋषिदहमा तपेन्द्र धामी, वडा नं. ३ ठाँटीमा डिल्ली कामी र वडा नं. ४ कुस्कोटमा गगन साउद रहेका छन् । त्यस्तै वडा नं. ५ विन्धेवासिनीमा मोती साउद, वडा नं. ६ षोडशामा चेतु खड्का, वडा नं. ७ नन्देगडामा गंगबहादुर बुढा र वडा नं. ८ हात्तीकोटमा शालिभान साउद वडा सभापतिमा निर्वाचित भएका छन् । अधिवेशन सम्पन्न भएका सबै वडाहरूमा सभापतिसँगै अन्य पदाधिकारी, सदस्य र क्षेत्रीय प्रतिनिधि पनि चयन भएका बताइएको छ ।
वडा अधिवेशनबाट नेतृत्व चयन भएसँगै नेपाली कांग्रेस मेल्लेखको संगठनात्मक गतिविधिले थप गति लिने अपेक्षा गरिएको छ । वडा तहमा निर्वाचित सभापति तथा कार्यसमितिले पार्टीको संगठन विस्तार, कार्यकर्ता परिचालन तथा आगामी अधिवेशनका लागि महत्वपूर्ण भूमिका निर्वाह गर्नेछन् ।
मेल्लेखका आठवटै वडाका सभापति
| वडा नं. | वडा | सभापति |
| १ | डाँडासिरी–ऋषिदह | सीता धामी |
| २ | ऋषिदह | तपेन्द्र धामी |
| ३ | ठाँटी | डिल्ली कामी |
| ४ | कुस्कोट | गगन साउद |
| ५ | विन्धेवासिनी | मोती साउद |
| ६ | षोडशा | चेतु खड्का |
| ७ | नन्देगडा | गंगबहादुर बुढा |
| ८ | हात्तीकोट | शालिभान साउद |
