अछाम । कमलबजार नगरपालिको वीरपथमा जनमुक्ति सेनामा पूर्वकमाण्डर मंगलबार खोलामा मृत अवस्थामा फेला परेका छन् । कमलवजार नगरपालिका ६ वीरपथ किम्तोलाका ४९ वर्षीय जगत शाही ‘मिलन’ मृत अवस्थामा फेला परेका हुन् ।
मंगलबार बिहान करिब ५ बजे गैरीटाँड बजार जाने भनेर गएका शाही वीरपथकै बुँदेखोलामामा अन्दाजी ११ बजेतिर मृत अवस्थामा फेला परेका हुन् । शाही घरदेखि करिव ३ सय मिटर पर बुँदेखोलामा उनको शव फेला परेको र घटनाका बारेमा अनुसन्धान भइरहेको अछाम प्रहरीले जानकारी दिएको छ ।
शाही तत्कालिन अवस्थामा जनमुक्ति सेना नेपालको सातौं डिभिजन बटालियन सह-कमाण्डर रहेका बताइएकाे छ ।
