अछाम । घर भत्किएर एकै घरका पाँच जनाको ज्यान गएको कमलजार नगरपालिका-८ डुँगालाका मृतकका आफन्तलाई ५० हजार नगद रकम सहयोग गरिएको छ । कमलबजार नरपालिका-७ सेरा घर भइ हाल अमेरिका रहेका टंकबहादुर,भण्डारीले उक्त रकम पठाएर सहयोग गर्नुभएको छ ।
भाइ खेम भण्डारी मार्फत पठाइएको उक्त रकम मृतकका आफन्त कल्लाने दमाइलाई जनप्रतिनिधि, स्थानीयको उपस्थितिमा रकम हस्तान्तरण गरिएको स्थानीयले जानकारी दिनुभयो । रकम हस्तान्तरणमा वडा नम्बर ७ का वडा नृप बोहरा, नगरपालिकाका प्रशासन प्रमुख पूर्णप्रसाद बजगाईलगायतको सहभागीता रहेको थियो !
अविरल बर्षाका कारण भदौ ३१ गते राति कल्लाने दमाईको घर भत्किँदा निजको भतिजा गोपाले दमाई (थिउरे) का २६ वर्षीय छोरा गम्भीर दमाई, २३ वर्षीया बुहारी भाना दमाइ, नातिनीहरु ८ वर्षीया डिक्रा दमाइ, ५ वर्षीया कल्पना दमाइ, ३ वर्षीया सृष्टी दमाइको मृत्युु भएको थियो !
