अछाममा अटो दुर्घटनामा एक पुरूषको ज्यान गएको छ । मंगलसेन नगरपालिका–५ मा अटो दुर्घटना हुँदा त्यसमा सवार मंगलसेन नगरपालिका–३ लाछीमाना बस्ने अन्दाजी ४८ वर्षीय निर्प बोगटीको मृत्यु भएको हो ।
दुर्घटनामा घाइते भएका उनको जिल्ला अस्पताल मंगलसेनमा उपचारका क्रममा शनिबार करिब १ बजे मृत्यु भएको अछाम प्रहरीले जनाएको छ । सु.प.प्र.०१००१ ह ६११३ नम्बरको अटो अनियन्त्रित भई सडकमा पल्टिएको प्रहरीको अनुमान छ ।
प्रहरीले अटो र चालकलाई नियन्त्रणमा लिएको छ भने दुर्घटनाबारे थप अनुसन्धान भइरहेको जनाएको छ ।
