अछाम । नेकपा (एमालें) का केन्द्रिय उपाध्यक्ष रामबहादुर थापा –बादल) ले तत्कालीन नेकपाको एकता नटिक्नुमा पुष्पकमल दाहाल (प्रचण्ड) र माधव कुमार नेपालमा पदीय स्वार्थ जिम्मेवार भएको बताउनुभएको छ ।
नेपाल पत्रकार महासंघ अछाम शाखाद्धारा आयोजित पत्रकार सम्मेलमा प्रचण्डले एकलौटी पार्टी अध्यक्ष हुन र नेपालले प्रधानमन्त्री हुने स्वार्थका कारण नेकपा नटिकेको भनाइ राख्नुभयो ।
‘प्रचण्ड फुटे किनकी प्रधानमन्त्री हुन चाहन्थे, अध्यक्ष हुन चाहन्थे नेकपाको एक्लौटी । माधव नेपाल प्रधानमन्त्री हुन चाहन्थे, मलाई प्रधानमन्त्री चाहिँयो वा पार्टी अध्यक्ष भन्ने थियो उहाँको माग थियो ।’ थापाले पत्रकारसँग भन्नुभयो । वैचारिक रुपमा विमति नभएर पदको स्वार्थका कारण नेकपा विभाजित भएको दावी थापाको थियो ।
अहिलेको एमाले नेकपाकै निरन्तरता भएको आफूले पार्टी नबदलेर यसैमा रहेकाे भनाइ उपाध्यक्ष थापाको थियो । बरू प्रचण्ड र माधव नेपाल फूटेर गएको उहाँकाे दाबी थियो ।
हेर्नुहोस् भिडियो
