हातहतियार बुझाउन अछाम प्रशासनको आग्रह

अछाम । आसन्न प्रतिनिधिसभा र प्रदेशसभाको निर्वाचनलाई भयरहित बनाउन जिल्ला प्रशासन कार्यालय अछामले व्यक्तिसँग भएका हतियार बुझाउन आग्रह गरेको छ । इजाजत प्राप्त गरेका हातहतियारहरु आउँदो कार्तिक ५ गतेभित्र नजिकको प्रहरी कार्यालयमा बुझाउन आग्रह गरिएको छ ।
अत्यन्त जरुरी सूचना जारी गरेर कार्यालयले आउँदो मंसिर ४ गतेको प्रतिनिधिसभा र प्रदेशसभा निर्वाचलनलाई स्वच्छ, निष्पक्ष र सुरक्षित वातावरणमा सम्पन्न गराउनका लागि हातहतियार बुझाउन भनिएको प्रमुख जिल्ला अधिकारी (प्रजिअ) रामदत्त पाण्डेले जानकारी दिनुभयो । प्रशासनले आफूसँग भएका हतियार नजिकको प्रहरी कार्यालयमा बुझाउन र निर्वाचन सम्पन्न भएको एक हप्ता पश्चात् फिर्ता लैजान पनि आग्रह गरेको छ ।
विना इजाजतका भरुवा तथा एयरगनहरु समेत नजिकको प्रहरी कार्यालयमा बुझाउन भनिएको प्रजिअको भनाइ छ । प्रशासनले जारी गरेको अत्यन्त जरुरी सूचनालाई अटेर गरेमा हातहतियार खोजतालस गरेर कानुनअनुसारको कारबाही गरिने उल्लेख छ ।

Mangalsen Ward
सम्बन्धित
Leave A Reply

Your email address will not be published.

You cannot copy content of this page