अछाम । सरुवा भएका जिल्ला प्रहरी कार्यालय अछाममा कार्यरत दुई जना प्रहरी निरीक्षक (इन्सपेक्टर) को आज बिदाई गरिएको छ । सरुवा हुनुभएका प्रहरी निरीक्षक राजेन्द्र साउँद र वीरेन्द्र जोहारीलाई जिल्ला प्रहरी कार्यालयले फेरी भेटौला कार्यक्रमका साथ बिदाइ गरेको हो ।
जिल्ला प्रहरी कार्यालय अछामका प्रमुख प्रहरी नायब उपरीक्षक सन्तोष पाठकसहित प्रहरी कर्मचारीले साउँद र जोहारीको बिदाइ गरिएको हो । जिल्ला प्रहरी कार्यालयमा एक अनौपचारिक कार्यक्रमका साथमा सरुवा हुनु भएका साउँद र जोहारीलाई खादा, टीका र माला लाएर मायाको चिनो प्रदान गरेर बिदाइ गरिएको अछाम प्रहरीले जानकारी दिएको छ ।
दुवै जनाको नयाँ कार्यक्षेत्रको कार्यकाल, व्यक्तिगत र व्यवसायी जीवन सफलता र समृद्धिको कामना गरिएको छ । प्रहरी प्रधान कार्यालय, कर्मचारी प्रशासन शाखाको वैशाख २६ गतेको पत्रअनुसार सरुवा भएको बताइएको छ । जिल्ला प्रहरी कार्यालय अछामका सूचना अधिकारी समेत रहनुभएका साउँदको कञ्चनपुर र इलाका प्रहरी कार्यालय कमलबजारमा कार्यरुत रहनुभएका जोहारीको काठमाण्डौं सरुवा भएको छ ।
