अछाम । मंगलसेन नगरपालिकाको एक वडाले विद्यालयलाई खेल र मनोरञ्जन सामग्री उपलब्ध गराएको छ । मंगलसेन मंगलसेन नगरपालिका–४ नम्बर वडा कार्यालयले सोही वडामा रहेको पानीमुलक आधारभूत विद्यालयलाई सामग्री उपलब्ध गराइएको हो ।
खेल तथा मनोरञ्जन सामग्री वडा अध्यक्ष नामसिंह धामीले विद्यालयलाई हस्तान्तरण गर्नुभएको छ । भलिबल, नेट, फुटबल, मादल, स्पिकरलगायतका १४ वटा वस्तुहरु वडाले खरिद गरेर विद्यालयमा सहयोग गरिएको हो ।
विद्यार्थीहरुलाई अध्ययनसँगै अतिरिक्त क्रियाकलाप र मनोरञ्जनको सहजताका लागि सामग्री सहयोग गरिएको वडा अध्यक्ष धामीले जानकारी दिनुभयो । अघिल्लो वर्षमा सोही प्रकारका सामग्री सोही वडाको राधा माविलाई वितरण गरिएको बताइएको छ ।
