अछाम । प्रहरी प्रधान कार्यालयले नेपालभरका ५१९ जना इन्स्पेक्टरहरूको विभिन्न स्थानमा सरुवा गरेको छ । सरूवा भए अनुसार जिल्ला प्रहरी कार्यालय अछाममा कार्यरत राजेन्द्र साउँदकाे नेपाल प्रहरी विशेष सुरक्षा गण कञ्चनपुर सरूवा भएकाे छ । यस्तै इलाका प्रहरी कार्यालय कमलबजारमा कार्यरत वीरेन्द्र जाेहारीको प्रहरी वृत जनसेवा काठमाण्डाैमा सरूवा भएको नेपाल प्रहरीले जनाएको छ ।
सार्वजनिक भएको सरूवा विवरण अनुसार सुदूरपश्रचिम प्रदेश महिला, बालबालिका तथा जेष्ठ नागरिक शाखामा कार्यरत जय पार्की जिल्ला प्रहरी कार्यालय अछाम अाउने भएका छन् । यस्तै इलाका प्रहरी कार्यालयमा भने प्रहरी वृत किर्तिपुर काठमाण्डाैमा कार्यरत रहेका हिक्मत बहादुर थापाको सरूवा भएकाे छ ।
