मंगलसेन । नेकपा एमाले निकट विद्यार्थी संगठन अनेरास्ववियु अछामले नयाँ वर्षको शुभकामना सहित भित्तेपात्रो विमोचन गरेको छ । अछाम सदरमुकाम मंगलसेनमा आयोजित कार्यक्रममा शुभकामना आदानप्रदान सहित नयाँ वर्ष २०८१ सालको भित्तेपात्रो विमोचन गरिएको हो ।
कार्यक्रमका प्रमुख अथिति तथा नेकपा एमाले अछामका सचिव भीमबहादुर रावलले शुभकामना सहित भित्तेपात्रोको विमोचन गर्नुभएको हो । अनेरास्ववियु अछामका अध्यक्ष प्रेमप्रसाद देवकोटाको अध्यक्षतामा सम्पन्न कार्यक्रममा एमाले र अनेरास्ववियुका नेता/कार्यकर्ताको सहभागीता रहेको थियो ।
एमाले पार्टी कार्यालयको हलमा सम्पन्न कार्यक्रममा एमाले मंगलसेन नगरकमिटी अध्यक्ष बृखबहादुर बोगटी, अनेरास्ववियुका केन्द्रीय लेखा आयोग सदस्य कमल कोली, राष्ट्रिय युवा संघ अछाम उपाध्यक्ष कमल महर, अनेरास्ववियु सुदूपश्चिम सदस्य देवसरा भण्डारीको सहभागीता रहेको थियो ।
यस्तै कार्यक्रममा एमाले अछामका जिल्ला कमिटी सदस्यहरु, पालिका कमिटी सदस्य, अनेरास्ववियु जिल्ला कमिटीका सदस्यहरूको उपस्थिति रहेको थियो । अनेरास्ववियु जिल्ला सचिव जगत भण्डारीले कार्यक्रम सञ्चालन गर्नुभएको खबर प्राप्त भएको छ ।
