मंगलसेन । मेल्लेख गाउँपालिकाको षोडशाबाट साँफेबगर आउँदै गरेको ट्याक्टर दुर्घटना हुँदा पाँच जनाको मृत्यु भएको छ । भने तीन जना घाइते भएका छन् ।
मृत्यु हुनेमा मेल्लेख गाउँपालिका–१ ऋषिदहका ५५ वर्षीय रंग धामी, ४५ वर्षीय प्रेम धामी, ३७ वर्षीय नरबहादुर धामी, १५ वर्षीय जनक धामी र २१ वर्षीय जनक धामी रहेका छन् । मृत्यु हुनेमा २१ वर्षीया जनक धामी ट्याक्टर चालक रहेका बताइएको छ । मेल्लेख गाउँपालिका–७ सुयडमा सोमबार बिहान भएको दुर्घटनामा मृत्यु र घाइते हुनेमा एकै वडाका रहेका छन् ।
घाइते हुनेमा सोही वडाका ४२ वर्षीय लाल बहादुर धामी, ४० वर्षीय हंस धामी र १५ वर्षीय देवेन्द्र धामी रहेका छन् । घाइते तीनै जनाको उपचारका लागि जिल्लाको वयलपाटा अस्पताल पठाइएको अछाम प्रहरीका निरीक्षक (इनिष्पेक्टर) अर्जुन साउँदले जानकारी दिनुभयो ।
सुदूरपश्चिम प्रदेश ००१००२ त ४९७९ नम्बरको ट्याक्टर दुर्घटनामा परेको र कारण खोजि भइरहेको अछाम प्रहरीले जानकारी दिएको छ । दुर्घटनामा परेका व्यत्तिहरु साँफेबगर–मेल्लेख सडक खण्डका कामदारहरु रहेको प्रारम्भिक जानकारी आएको छ ।
