मंगलसेन । डोटीकी चर्चित डेउडा खेलाडी टिका सानी र अछामका अर्का डेउडा खेलाडी प्रेम भाट बीचमा मंगलसेनमा आज भारी डेउडा खेल हुने भएको छ । आज शनिबारका दिन दरबार पछाडिको खुला मञ्चमा दिउसो १२ बजेबाट डेउडा खेल लाग्ने भएको हो ।
टिका सानी उर्फ टिका साउँद र भाट लगायतका डेउडा खेलाडी बीचमा खेल हुने मंगलसेनका सक्रिय यूवा शिद्धप्रसाद ढुंगानाले जानकारी दिनुभयो । अन्य केही स्थानीय डेउडा खेलाडीले पनि टिका सानुसँग डेउडा खेल खेल्ने छन् । डेउडा खेलमा इच्छुकले खेलमा समेत सहभागी हुन पाउने छन् ।
रमाइलो डेउडा खेल खेल्न र हेर्नका लागि सार्वजनिक व्यक्ति र सर्वसाधारण सबैलाई निम्तो गरिएको छ ।
